Avant diesch onns avevan 13 vischnancas fundà la gruppa d'interess da l'Arena tectonica Sardona. Quella duai s'engaschar per il mantegniment e la tgira dal Patrimoni cultural Sardona. Pajar na paja Bogn Ragaz dentant gio 7 onns betg pli ed ussa duai er suandar l'extrada formala.
«Bogn Ragaz che cumpiglia mo ina pitschna part dal perimeter na vesa simplamain nagin niz per la vischnanca», declera il president communal Daniel Bühler. Perquai n'hajan ins er betg pajà ils 2'000 francs ad onn. Sortir formalmain hajan ins dentant betg pudì, cunquai ch'in contract lia la vischnanca. Quel scroda dentant il fanadur 2018. Questa chaschun nizzegia la vischnanca e sorta. Decidì da sortir haja la vischnanca gia il 2009. Quai conferma er il mainagestiun da la gruppa d’interess Harry Keel.
Er Flums n'ha betg pajà
«Er Flums na paja betg pli», ha Keel constatà. Ins speria dentant che Flums restia en la gruppa d’interess.
Midada da la furma
Davent dal 2024 vegn la gruppa d’interess manada en in'autra furma – sco organisaziun. Detagls na sajan dentant betg enconuschents, ha Keel ditg sin dumonda.
RR actualitad 17:00