Il bab Christoph Blocher ha surdà il vicepresidi da la partida populara Svizra a la feglia Magdalena Martullo-Blocher. Els sajan quasi la medema persuna, audia el adina puspè. Dentant dettia schon insaquantas differenzas tranter els.
Ils delegads da la PPS han la sonda passada elegì Magdalena Martullo-Blocher en la direcziun tar la radunanza a Claustra. Quai sco vicepresidenta e successura da ses bab Christoph Blocher. Ina successura che para fitg sumeglianta a quel ch'occupa il post actualmain. Nus avain dentant tuttina chattà insaquantas differenzas tranter ils dus Blochers.