Siglir tar il cuntegn

Header

video
la «Sonda Lunga» a Cuira
Or da Actualitad dals 12.11.2016.
laschar ir. Durada: 2 minutas 31 Secundas.
cuntegn

Chantun Bleras visitas tar RTR durant la «Sonda lunga»

RTR è sa preschentà a la festa da giubileum da 10 onns «Sonda lunga» cun in program multifar per pitschen e grond. Tonia Maria Zindel ha raquintà istorginas, ils Furbaz han concertà, musica da jazz ha divertì ils visitaders davant la chasa RTR e Tumasch è ì a la tschertga da novs selfies.

Sonda lunga – program lung

audio
Survista da la purschida RTR - discurs cun Erwin Ardüser
ord Actualitad dals 11.11.2016.
laschar ir. Durada: 6 minutas 43 Secundas.

Radiotelevisiun Svizra Rumantscha ha mess ensemen in program spezial per la sonda lunga: multifar, e per in e scadin: Paraulas, jazz ed ils Furbaz e lura er bunas tratgas e bavrondas avant la chasa RTR a Cuira.

Istorginas cun Tonia Maria Zindel

Tonia Maria Zindel.
Legenda: Sfunsar en il mund magic da las paraulas ensemen cun Tonia Maria Zindel. RTR

Tonia Maria Zindel ha raquintà istorgias plain tensiun, legras e divertentas. Il studio da televisiun da RTR è sa midà per ina giada en ina cuntrada da paraulas magica.

Sco regurdientscha han survegnì ils uffants in video da lur visita tar RTR.

Allegra tar RTR

Nua è Tumasch?
Legenda: Nua è Tumasch? RTR

Visitadras e visitaders han pudì dar in sguard davos las culissas da RTR, emprender d’enconuscher las moderaturas ed ils moderaturs, e far in selfie cun Tumasch ubain simplamain sa divertir en la «Canorta» da RTR. E per il bain corporal ha procurà «Amarenda» ch'ha pupragnà pitschen e grond cun spezialitads culinaricas dal Grischun.

Jazz live

Jazz live.
Legenda: Jazz live. mad

Jazz live han sunà Claudio Bergamin, Rolf Caflisch, Rees Coray, Andi Schnoz e Stefan Widmer.

Furbaz

Ils FURBAZ.
Legenda: Ils FURBAZ. mad

Pliras plattas fonograficas dad aur e duas giadas il Prix Walo da la scena da show svizra èn perditga dal success da FURBAZ. Cun lur chanzuns da Nadal intgantan els dapi decennis l’entira Svizra.

RTR ha preschentà il bain pli enconuschent ensemble da chant rumantsch cun in schatg exclusiv da sia nova turnea.

Artitgels legids il pli savens