Siglir tar il cuntegn
cuntegn

Chantun Blera lavur sin ils plazzals grischuns

L'industria da construcziun grischuna ha nudà l'emprim mez onn dal 2017 marcantamain dapli lavur e dapli emploiads. Ils impressaris discurran d'ina dumonda constanta.

In plazzal en ils culms
Legenda: Bunas vistas per l'industria da construcziun grischuna, ils cudeschs d'empustaziuns èn emplenids bain. RTR, Federico Belotti

Las activitads da bajegiar sajan s’augmentadas per pli che 12%, ha communitgà l’Uniun grischuna dals impressaris constructurs. Ed uschia han las interpresas da bajegiar era pudì occupar dapli persunal. Cun bunamain 5'100 lavurants èn quai 200 dapli che durant l'emprim mez onn dal 2016.

Svilup legraivel tar la construcziun auta

L’industria da construcziun grischuna ha era nudà ils emprims sis mais in plus d'incumbensas da 9,3%. Quel è tenor l’uniun dals impressaris surtut d'attribuir a la pli gronda dumonda da construir abitaziuns.

Construcziun bassa resta la pitga ferma

La construcziun bassa resta vinavant da gronda muntada en il Grischun, ed uschia era la dependenza d’incumbensas publicas. Grazia al bun svilup sin il sectur d’abitaziuns e da l’ulteriura construcziun auta na saja questa dependenza dentant betg anc creschida dapli, scrivan ils impressaris.

RR novitads 10:00