Siglir tar il cuntegn

Header

Navigaziun

Tura cun velo tras il Parc Naziunal Svizzer.
Legenda: Bikers en il Grischun èn cuntents Tura cun velo tras il Parc Naziunal Svizzer. A. Badrutt
cuntegn

Chantun Bikers en il Grischun èn cuntents

Tenor ina retschertga da la Scola auta da tecnica ed economia HTW a Cuira pernotteschan radund 80% dals bikers en il Grischun. Plinavant èn els er cuntents u fitg cuntents cun las purschidas e cussegliassan vinavant il Grischun sco destinaziun da bike.

La retschertga è vegnida manada tras tar radund 3'000 giasts da bike en il Grischun. Ella demussa che pli che la mesadad dals dumandads passentan quatter u dapli notgs en il chantun. 47% stettian sur notg en hotels, il rest tar privats, tegias da culm, plazzas da camping u abitaziuns da vacanzas. La gronda part dals bikers vegn da la Svizra, numnadamein radund 70%, 24% derivan da la Germania.

Ils bikers èn cuntents

Ils dumandads èn cuntents u fitg cuntents cun las purschidas en il Grischun. Quai mussa er che bunamain 99% dals dumandads cussegliassan vinavant il Grischun sco destinaziun da bike. Ils bikers èn dentant betg mo giasts da stad – els vegnan er durant l'enviern. 54% stattan er lura quatter u dapli notgs.

RR novitads 12:00