Siglir tar il cuntegn

Header

cuntegn

Chantun Betg dapli accidents sin pistas sur ils dis da Nadal

Vis sur tut las regiuns dal Grischun ora, ha igl dà circa tuttina blers accidents sin las pistas sco igl onn passà sur ils dis da Nadal. Quai che croda en egl è l'augment da las collisiuns sin pista.

audio
Saira: Dapli accidents da collisiun sin pista
ord Actualitad dals 29.12.2015.
laschar ir. Durada: 2 minutas 30 Secundas.

Il motiv è tenor ils ospitals che las pistas sajan pli stretgas. Era dat igl bler pli pacas pistas che usità. Sin il dumber accidents sin pista n’ha quai strusch in’influenza, sco ina pitschna retschertga dad RTR mussa. En il ospital a Savognin han ins enfin ussa registrà rodund 10 pertschient pli pacs accidents sin pista che igl onn passà. Era tar las blessuras na dat igl tenor il directur Gion Cola nagut spezial da remartgar.

Dapli collisiuns e dapli blessuras

Auter è quai a Samedan. Là ha il schef-chirurg Duri Gianom constatà, ch’igl dettia pli blers accidents da collisiun e pli bleras blessuras vid las spatlas. Il dumber da blessads saja perencunter era constants. Uschia era a Glion en igl ospital regiunal da la Surselva. Quai che saja perencunter crudà là en igl è, ch’igl dettia dapli ruttadiras multiplas, blessuras ni ruttadiras en pli lieus dal corp. En igl ospital chantunal a Cuira han ins registrà in zic dapli accidents da pista. En spezial hajan ins dentant vis, ch’igl haja dà dapli accidents da collisiun.

Artitgels legids il pli savens