Buffets cun liongias da sang, cutlas e charn portg porschian mo singuls gastronoms grischuns. Uschia discurra Marc Tischhauser, maina fatschenta da Gastro Grischun er betg d’in trend tar las batgarias da chasa. Era sche blers veglian porscher products locals dettia mo singuls ustiers che porschian la batgaria da chasa tradiziunala. Era mo paucs fetschian anc sez tut dad A fin Z. Ils blers lavurian ensemen cun il mazler dal vitg.
Transparenza è fitg impurtanta
Cunquai ch’ins mangia tar la batgaria da chasa products fitg spezials ch’ins ha betg mintga di sin il plat, saja quai fitg impurtant ch’il giast sappia danunder che la charn vegnia. Uschia saja impurtant da communitgar danunder che la charn è e tgi ch’haja el
avurà quella. Sper la promoziun da products regiunals portia la batgaria da chasa tenor Tischhauser anc in’auter aspect positiv. La glieud vegnia sensibilisada ch’in animal consistia betg mo ord «buns» tocs charn.
Ins discurra savens mo dil filet. Enstagl consista in animal anc ord blers auters tocs charn.
Cun la batgaria da chasa vegnia sensibilisà che auters tocs charn vegnan uschiglio savens betg duvrads. Per il maina fatschenta da Gastro Grischun resta la batgaria da chasa dentant ina purschida da nischa per clientella che appreziescha questa tradiziun veglia.
RR actualitad 11:00
