«Jau na fatsch bler auter quella giada, la davosa giada sun jau ida ora en las regiuns ed er quella giada è previs ch'jau vom a far la visita a las 11 novas regiuns ch'èn uss operativas», di cussegliera guvernativa Barbara Janom Steiner sin la dumonda, tge ch'ella vul far auter la segunda giada (suenter il 2012) sco presidenta da la regenza.
Er quella giada è previs ch'jau vom a far la visita a las 11 novas regiuns ch'èn uss operativas.
Ella veglia savair da las regiuns sche quai dat anc dumondas ubain sch'il chantun possia anc gidar en in u l'auter lieu. Ella sa legria er dad inscuntrar la populaziun e cumenzia l'onn sco presidenta cun plaschair dentant er cun respect, perquai che l'uffizi sco presidenta da la regenza muntia er dapli incumbensas, lavur, termins e dapli coordinaziun.
RR actualitad 12:00