Siglir tar il cuntegn

Chantun «Barbara Janom Steiner ha merità il pli fitg las vacanzas»

Avant che laschar partir la regenza grischuna en vacanzas, avain anc vulì savair inqual detagl. Nua passentan la cussegliera ed ils cussegliers guvernativs lur vacanzas? Da tgeninas 3 chaussas na vulan els betg desister en las vacanzas?

Legenda: Nua van ils cussegliers guvernativs en vacanzas? RTR

Era noss cussegliers guvernativs e nossa cussegliera guvernativa dastgan ir en las vacanzas da stad. Ma da tge han els propi il pli fitg basegn da vacanzas? E tgi dad els tschintg ha merità il pli fitg il temp da recreaziun.

Christian Rathgeb sa legra da durmir

Legende: Video Christian Rathgeb vul durmir abspielen. Laufzeit 00:13 Minuten.
Or da RTR dals 04.07.2017.

Sin il durmir sa legra il minister da segirtad il pli fitg, ma era sin perscrutar ils culms en il Grischun.

Nus avain cumprà novs chalzers da viagiar e quels vali uss da disar.
Autur: Christian Rathgebcusseglier guvernativ ch'è gugent en il culms

Jon Domenic Parolini emprenda dad ir cun cajac

Parolini vul ir cun la dunna a viagiar en differentas regiuns en il Grischun, ma betg en Engiadina Bassa. Cumenzar en Surselva. Suenter il curs da cajac va il minister da finanzas a Hamburg a festivar il di naziunal svizzer igl emprim d’avust.

Legende: Video Jon Domenic Parolini va cun cajac abspielen. Laufzeit 00:20 Minuten.
Or da RTR dals 04.07.2017.
Durant las vacanzas na less jau betg desister da mia dunna, da mes uffants e da mia libertad da far quai che plascha a mai
Autur: Jon Domenic Parolinicusseglier guvernativ che na va betg lontan en vacanzas

Barbara Janom Steiner ha merità il pli fitg las vacanzas

Perquai ch’ella ha cun il presidi da la regenza in uffizi supplementar, manegian ils collegas ch’ella haja merità spezialmain las vacanzas.

Legende: Video Barbara Janom Steiner vul ir sper l'aua abspielen. Laufzeit 00:15 Minuten.
Or da RTR dals 04.07.2017.
Sport è la prioritad numer 1 durant las vacanzas, ma era far pausa e durmir bler. Il laptop ed igl i-phone na dastgan dentant betg mancar.
Autur: Barbara Janom Steinerpresidenta da la regenza ch'è gugent sper la mar

Sco adina haja ella anc betg gì il temp dad organisar las vacanzas. Ella va segir in pèr dis en l’Engiadina a visitar la mamma. Il rest è anc avert, ma ella vul ir sper in lai u sper la mar.

Martin Jäger fa gugent bogn

Il minister da cultura vegn a visitar diversas occurrenzas culturalas. Era in viadi a Berlin è sin il program. Quest viadi è dentant spustà pervia dals eveniments en ses departament.

Legende: Video Martin Jäger e las chautschas da far bogn abspielen. Laufzeit 00:12 Minuten.
Or da RTR dals 04.07.2017.
Jau conusch Berlin dapi in mez tschientaner ed igl è adina interessant da mirar tge ch’è sa midà.
Autur: Martin Jägercusseglier guvernativ che fa gugent bogn

Mario Cavigelli sa legra sin il temp cun la feglia ed il fegl

Propi distanza da la lavur na dovria el betg. La pausa fetschia bain, ma el lavuria fitg gugent. Tuttina sa legra el sin il temp cun la famiglia.

Legende: Video Mario Cavigelli empren talian abspielen. Laufzeit 00:15 Minuten.
Or da RTR dals 04.07.2017.
En las vacanzas na poss jau betg desister dal telefonin, da las gasettas e segir vegn jau era a persequitar il turnier da tennis a Wimbledon.
Autur: Mario Cavigellicusseglier guvernativ e fan da tennis

RR actualitad 17:00