A sia sesida dad oz ha il Cussegl federal elegì la ministra da finanzas dal chantun grischun ch'è anc enfin la fin da l'onn en uffizi sco cussegliera guvernativa. L'emprim da matg 2019 cumenza Barbara Janom Steiner ses nov post. Ella succeda a Jean Studer ch'è dapi il 2007 commember dil cussegl da banca e dapi il 2012 president. El sto sa retrair sin la fin d'avrigl l'auter onn pervia da la limitaziun d'uffizi.
Barbara Janom Steiner ei dapi trais onns commembra dil cussegl da banca ed ei elegida per la perioda tochen il 2020. Sco quei ch'il Cussegl federal fa da savair haja Janom Steiner grondas experientschas ella politica da finanzas e d'economia. Ella enconuschia era bain las sfidas da la banca naziunala entras sia lavur en il cussegl da banca.
Sco nov commember en il gremi ha il Cussegl federal elegì Christoph Ammann, quai per il rest da la perioda d'uffizi 2016 - 2020. Ammann è cusseglier guvernativ dal chantun Berna. Vicepresident dal cussegl da banca resta sco fin qua Olivier Steiner.
RR novitads 18:00