Siglir tar il cuntegn
cuntegn

Chantun Bandunar la Lia Rumantscha fa mal

Urs Cadruvi n’era atgnamain gnanc a la tschertga d’ina nova incumbensa. El saja vegnì fatg attent sin il post sco vicedirectur tar la Fundaziun Flury. Pir lura haja el cumenzà a pensar vi d'ina midada.

Cumparegliaziun dal maletgs

Stuschar reglader a sanester Stuschar reglader a dretg
Legenda: Urs Cadruvi e co el è sa mida ils nov onns sco secreatari general da la Lia Rumantscha
Legenda: Guardar il video Urs Cadruvi banduna la Lia Rumantscha. Durada 02:52 minutas.
Or da Telesguard dals 29.11.2016.

Urs Cadruvi turna tar las ragischs, pudess ins dir. El aveva fatg l'emprendissadi da commerzi en ina clinica psichiatrica. Uss vegn el a lavurar tar la Fundaziun Flury, cun l'ospital da Schiers, pliras chasas d’attempads e la Spitex dal Partenz. El sa legria sin la sfida dad esser al timun d’ina interpresa cun 450 collavuraturs, di Urs Cadruvi. Da l’autra vart fetschia quai fitg mal da bandunar la Lia Rumantscha. La lavur per la LR saja ina chaussa dal cor.

Rumantsch Grischun è stà in tema central

Durant ils 9 onns tar la Lia Rumantscha ha Urs Cadruvi gì il grev pensum da tegnair ensemen la Rumantschia durant la dira debatta per e cunter il rumantsch grischun. Tenor il president da la Lia Rumantscha Johannes Flury saja quai grategià fitg bain ad Urs Cadruvi. Plinavant haja el era fatg buna lavur areguard la midada tar ils meds electronics.

purtret Johannes Flury
Legenda: Il president da la Lia Rumantscha Johannes Flury avess gugent anc lavurà vinavant ensemen cun Urs Cadruvi. RTR

Successur u successura cun gronda cumpetenza da manar

Per il president da la Lia Rumantscha Johannes Flury èsi impurtant, ch’era il nov secretari u la nova secretaria haja ina gronda cumpetenza da manar. La persuna stoppia era esser averta e chattar a moda simpla contact cun auters. Impurtanta saja dentant era d’avair ina savida profunda da tut las dumondas che pertutgan la Rumantschia.


RR actualitad 12:00