Las pli impurtantas cifras
- Gudogn da concern: 180,3 milliuns francs / +7%
- Resultat da fatschenta: 195,3 milliuns francs/ +24,8%
- Resultat operativ: 197,9 milliuns francs / +12,5%
- Afflussiun da novs daners: +234,9 milliuns francs
- Creschientscha da las ipotecas: +929,9 milliuns francs / +6%
- Dividenda: 40 francs / +2 francs
Il gudogn da concern è creschì sin 180,3 milliuns francs, quai è in augment da 7%. Da questas cifras positivas profiteschan er il chantun ed ils participants. Il chantun survegn ina garanzia dad 87,3 milliuns, la dividenda vegnia augmentada per 2 francs, sin 40 francs.
24,8% dapli gudogn da fatschenta
Il gudogn da 195,3 milliuns francs è s'augmentà per 24,8%. La banca declera quest gudogn cun in bun gudogn en tuttas fatschentas, la reducziun da posiziuns da ristga sco era in bun management da custs.
Banca spetga bun onn 2018
La Banca chantunala spetga er per quest onn in bun resultat. Il svilup dal resultat da fatschenta na saja per quest onn betg suttamess ad in'ulteriura reducziun da las posiziuns da ristga. Tar ina bursa stabila saja uschia da spetgar in gudogn da radund 170 fin 175 milliuns francs.
RR novitads 08:00