Siglir tar il cuntegn

Chantun Axpo Tegra SA po bajegair ovra da setgentar zinslas da laina

L'implant a Domat po uschia optimar sias capacitads e stgaffir ina plivalur per l'entira regiun.

Bajetg da l'Axpo Tegra SA a Domat.
Legenda: L'Axpo Tegra SA a Domat ha survegnì la lubientscha da bajegiar per l'ovra da setgentar zinslas da laina. Keystone

L'Axpo Tegra SA a Domat ha survegnì la lubientscha da bajegiar per l'ovra da setgentar zinslas da laina. Ella haja sbassà la concentraziun da particlas finas previsa - sco pretendì da l'Uffizi chantunal per natira ed ambient, communitgescha l'Axpo Tegra SA.

Uss vegnia l'ovra da setgentar realisada tenor las pretensiuns da l'Uffizi chantunal per natira ed ambient e sutpassia 8 giadas las limitas da l'ordinaziun per mantegnair l'aria pura.

Per las duas organisaziuns per l'ambient WWF e Medis per la protecziun da l'ambient è lur pretensiun principala uschia ademplida.

L'Axpo Tegra SA vul prender en funcziun l'ovra fin la fin dal 2016 - custar duai quella 11,8 milliuns francs.

RR novitads 12:00