Siglir tar il cuntegn
Inhalt

Chantun Avunda suttascripziuns cunter plan d’instrucziun 21

L'iniziativa dubla «Buna scola grischuna - participaziun als plans d'instrucziun» vegn inoltrada mez mars. Els hajan ramassà avunda suttascripziuns, conferman ils iniziants envers la gasetta «Südostschweiz».

Ina stanza da scola.
Legenda: Il plan d'instrucziun 21 è dispitaivel – il comité d'iniziativa ha rimnà avunda suttascripziuns. Keystone

Il plan d’instrucziun 21 na saja betg sulet in simpel plan d’instrucziun, quest plan mettia la scola populara dal tuttafatg sin il chau, ha ditg la pedagoga e scolasta da scoletta Marlies Klesse ina commembra dal comité d’iniziativa. Surtut crititgeschan ils iniziants ch'il plan d'instrucziun 21 sa basa sin cumpetenzas, ma per garantir la qualitad da las scolas dovria quai finamiras e cunvegnas fixas e liantas.

Il plan d'instrucziun 21.
Legenda: Ina survista co il plan d'instrucziun pudess vesair ora. Keystone

Avunda suttascripziuns

Tenor ils iniziants han ins uss rimnà las 3’000 suttascripziuns necessarias per l’iniziativa da lescha e las 4’000 suttascripziuns necessarias per l’iniziativa da la constituziun.

Per che la populaziun po cundecider tar ils plans d'instrucziun dovra quai tant ina midada da la constituziun sco era ina midada en la lescha da scola. Perquai era vegnida lantschada ina iniziativa dubla.

Il plan d'instrucziun 21 è vegnì approvà il mars 2016 da la regenza grischuna e vegn alura introducì l'onn da scola 2018/19.

RR novitads 06:30