Autos da pumpiers sin ils binaris

La Viafier retica ed ils pumpiers pon da nov duvrar vehichels d’intervenziun per cas d’urgenza sin ils binaris. Ils autos da pumpiers moderns pon però er charrar sin via. Els fan part dal concept da salvament per la viafier ch’è vegnì elavurà ensemen cun la l’Assicuranza da bajetgs dal Grischun.

Tar l'inauguraziun èn ils 6 vehichels charrads sin il viaduct da la Landwasser.

Legenda da maletgs: Tar l'inauguraziun èn ils 6 vehichels charrads sin il viaduct da la Landwasser. MAD

Sco quai che la Retica communitgescha, vegnian ils pumpiers scolads ed equipads successivamain cun ils vehichels. Ils emprims 6 autos van als pumpiers da las basas da viafier da Samedan-Puntraschigna, Bravuogn-Filisur/Alvra, Glion, Arosa, Poschiavo e Tusaun.

Ils pumpiers da Claustra e Zernez eran gia vegnids equipads avant intgins onns cun tals vehichels, quai per augmentar la segirezza sin la lingia dal tunnel dal Veraina. Ils custs per vehichel muntan a radund 900'000 francs, ils custs totals dal project a radund 6 milliuns.