Siglir tar il cuntegn

Header

cuntegn

AutoDaPosta Bleras purschidas reducidas, intginas stritgadas

Enfin ils 30 da mars reducescha l'interpresa da transport AutoDaPosta Grischun en trais pass l'offerta. D'ina vart reagescha l'interpresa uschia sin la mancanza da persunal che sa mussa e per l'autra dovrian gia massiv pli paucas persunas ils autos da posta.

Pli paucs curs

Da principi va l'auto da posta là nua ch'igl ha gì fin uss in tact da 15 minutas, be pli en tact da mes'ura e là nua ch'ins ha gì in tact da mes'ura datti uss be pli mintg'ura ina posta. Ils emprims curs la bun'ura ed ils ultims la saira èn garantids, er per pudair segirar ils servetschs baud e tard per il persunal da sanadad. Là nua ch'i ha fin uss dà in tact dad in'ura, restan quels er vinavant.

Stritgà cumplet

Stritgà han ins las lingias per scolars e per destinaziuns da temp liber ed excursiuns. Ina prioritad fitg auta han ils ospitals, quels èn era en l'avegnir cuntanschibels fitg bain. AutoDaPosta Grischun supplitgescha tuts da consultar l'urari online.

RTR novitads 16:00

Artitgels legids il pli savens