Il comité d’organisaziun aveva dumandà quest sustegn finanzial - cunquai ch’ils custs per polizia, sanitad e traffic public sajan creschids. La situaziun da segirezza saja sa midada envers il 2015, uschia ch'i saja necessari d'engaschar dapli forzas polizialas d'auters chantuns, communitgescha la regenza. Era il circul Engiadin’Ota ha gia auzà sia garanzia da deficit per 250'000 francs.
La regenza grischuna aveva gia il schaner decidì d’augmentar la contribuziun al deficit per l’Uniun Campiunadi mundial da skis a San Murezzan per 860'000 sin maximalmain 1,62 milliuns francs. Premissa era dentant ch'era il Cussegl grond ditgia da gea.
RR actualitad 10:00
