Siglir tar il cuntegn
Inhalt

Chantun Attenziun cun cumprar bigliets

Ils bigliets per eveniments gronds da sport u concerts èn dumandads. Uschia actualmain era per ils Campiunadis mundials da skis a San Murezzan. Ma igl è dad esser precaut nua ch'ins cumpra ils bigliets.

Ils bigliets per ils Campiunadis mundials sa skis èn dumandads tar ils fans.
Legenda: Ils bigliets per ils Campiunadis mundials da skis a San Murezzan èn dumandads tar ils fans. RTR

En la rait chattan ins inqual portal che porscha bigliets per ils Campiunadis mundials da skis. Sco quai che RTR è vegni a savair, han pliras persunas cumprà bigliets sfalsifitgads e pajà ina summa enorm auta per quests bigliets

In um ha ditg ch’el haja cumprà online bigliets da tribuna per ina pulita summa. Cura ch’el era tar l’entrada, hajan ils controlladers alura ditg che quests bigliets na sajan betg valaivels per la tribuna. El dastgia mo ir a l’arrivada sper la tribuna.

Tgi che less far la segira cumpra bigliets mo sin la pagina uffiziala.
Autur: Gianluca RossiResponsabel per ils bigliets al campiunadi mundial da skis a San Murezzan

Gianluca Rossi, responsabel per ils bigliets durant ils Campiunadis mundials da skis, enconuscha quels portals. Perquai cusseglia el da betg cumprar bigliets simplamain en l’internet. «Tgi che less anc ir spontan a guardar ina cursa, duai cumprar ils bigliets via la pagina uffiziala dals campiunadis mundials». Quai saja la via la pli segira.

RR actualitad 11:00