Siglir tar il cuntegn

Header

video
L’assicuranza d’edifizis ha nudà il 2015 ina sperdita operativa.
Or da Telesguard dals 27.04.2016.
laschar ir. Durada: 1 minuta 49 Secundas.
cuntegn

Chantun Assicuranza d’edifizis dal Grischun fa gudogn malgrà sperdita

Donns ed ina reducziun da las premias resultan per l’Assicuranza d’edifizis dal Grischun en ina perdita operativa da dus milliuns francs. Tuttina resulta in pitschen gudogn per il 2015, quai pervi da la situaziun al martgà da finanzas, scriva l’assicuranza.

Ils donns da fieu èn stads l’onn passà en la media dals ultims 10 onns, ils donns elementars in pau sut.
Legenda: Ils donns da fieu èn stads l’onn passà en la media dals ultims 10 onns, ils donns elementars in pau sut. Keystone

L’assicuranza d’edifizis dal Grischun ha fatg l’onn passà ina sperdita operativa da bunamain dus milliuns francs.

Bain gudogn, ma damain ch'il 2014

Grazia ad ina buna fatschenta d’investiziuns resulta sut il stritg tuttina in gudogn da fatschenta da stgars 10 milliuns francs. Quai è per l’assicuranza in resultat equilibrà, sco ella scriva en ina communicaziun da medias.

Cumpareglià cun l’onn 2014 èn questas cifras dentant mendras. Avant in onn aveva l’assicuranza anc fatg in gudogn operativ da passa quatter milliuns francs ed in gudogn da fatschenta da 24 milliuns francs.

audio
Saira: L'assicuranza d'edificis grischuna cun il rapport 2015
ord Actualitad dals 27.04.2016.
laschar ir. Durada: 1 minuta 45 Secundas.

Damain premias sco sfida

Las cifras èn ussa pli bassas, perquai che l’assicuranza d’edifizis ha sbassà las premias per in quart, quai che ha procurà per 20% ni otg milliuns francs pli paucas entradas da premias.

RR novitads 11:00

Artitgels legids il pli savens