Siglir tar il cuntegn

Header

Navigaziun

Legenda: Guardar il video Arno Camenisch expona. Durada 01:39 minutas.
Or da Actualitad video dals 31.01.2017.
cuntegn

Chantun Arno Camenisch – da la tribuna en vitrina

Cudeschs, versins, pensaments, patratgs e plans per las shows sin tribuna. Arno Camenisch expona sias skizzas en la Biblioteca chantunala a Cuira.

Las skizzas dad Arno Camenisch han gia fatg lungs viadis: Da Moscau e Buenos Aires fin a New York – ed uss en la Biblioteca chantunala a Curia. Là èn ellas accessiblas per mintgin.

Las skizzas guardan ora sco in chaos, dentant èsi notà fitg precis quai che jau dovrel.
Autur: Arno CamenischScriptur

Or d'ina notizia, in pled, datti pli tard ina pagina u dapli en in cudesch. Las notizias per las prelecziuns sin tribuna scriva il scriptur sin fegls u directamain en il cudesch sez. Mintga figura survegn ina colur e mintga passascha vegn precis terminada.

Dentant, Arno Camenisch lascha er capitar la show. I dovria adina plaz per chaussas spontanas che capitan tuttenina. En sasez sa tractia da cumposiziuns u partituras sco per ina chanzuns, di Camenisch.

Shine! Shine! Shine!
Legenda: Shine! RTR, Fabia Caduff
Il pli impurtant per ir sin tribuna è: Make it shine!
Autur: Arno CamenischScriptur

Per part datti tranter las notizias era texts che n'èn mai vegnids publitgads, ma ch'èn dentant era be scrits per la tribuna.

L’exposiziun è anc da vesair enfin ils 31 da mars 2017 en la Biblioteca chantunala dal Grischun a Cuira.

RR actualitad 17:00