Siglir tar il cuntegn
cuntegn

Chantun Archivars regiunals sa scuntran il di da lavur en archivs

Dapi plirs onns ha la gronda part da las regiuns en il Grischun in agen archiv da cultura ubain in post da documentaziun. Uss èn radund 50 archivars professiunals e laics interessads sa scuntrads a Samedan per trair in facit da lur activitads.

Documents e brevs veglias ed anticas.
Legenda: Ils archivs regiunals pon metter in auter accent en lur lavur che l’Archiv chantunal a Cuira. RTR, A. S. Campell

Ils preschents hajan barattà experientschas e discutà vias per organisar anc meglier las lavurs, scriva l’organisatura, la societad Museums Grischuns. Ed i saja sa mussà ch’i dovra dasper ils archivs da dretg public era instituziuns privatas che han ina mira da collecziunar in zic differenta.