Siglir tar il cuntegn
Inhalt

Chantun Applicaziun per chattar il dretg lieu da producir current solar

La mesadad da tut il basegn da forza electrica dal Grischun pudess vegnir cuverta cun implants da fotovoltaica sin ils blers tetgs dal chantun, quai demussa in studi dad Interreg che ha resguardà mo tetgs entaifer la zona da bajegiar.

Implant solar tar la staziun da muntogna dal Piz Nair.
Legenda: Implant solar tar la staziun da muntogna dal Piz Nair. Keystone

Il potenzial valità è almain 5 giadas pli grond che la finamira energetica ch’il chantun vul cuntanscher fin il 2035. Sco quai che la regenza communitgescha metta il chantun a disposiziun ina nova applicaziun d'internet che gida in e scadin a chattar il dretg lieu per la producziun da current solar.

Bleras pussaivladads er ordaifer zonas da contrucziun

Tgi che planiseschia da construir in tal implant possia uschia calcular il retgav ch'el po generar cun quel. Er ordaifer las zonas da construcziun datti bleras pussaivladads per producir electricitad. Quai per lung d’infrastructuras ch’existan gia, uschia per exempel tar paraids da protecziun cunter la canera, telefericas, runals u lais da fermada.

RR novitads 11:00