Siglir tar il cuntegn

Chantun Anteriur Cusseglier guvernativ e naziunal Ettore Tenchio è mort

L’anteriur Cusseglier guvernativ e Cusseglier naziunal dal Grischun Ettore Tenchio è mort oz en la vegliadetgna da bunamain 100 onns en sia chasa a Cuira. Quai ha la famiglia conferma envers SRF.

Ettore Tenchio è mort en la vegliadetgna da 99 onns.
Legenda: Ettore Tenchio è mort en la vegliadetgna da 99 onns. Keystone

Ettore Tenchio era oriund da Roveredo ed ha represchentà il chantun Grischun, per ils critsiandemocrats davent il 1947 enfin il 1971 sco Cusseglier naziunal, dal 1950 enfin il 1959 è el medemamain stà Cusseglier guvernativ dal Grischun. Il 1962 è Tenchio stà candidat uffizial per il Cussegl federal, ha alura stuì suttacumber al Vallesan Roger Bovin.

Dasper sias numerusas activitads ha el presidià l’uniun da traffic dal Grischun davent dal 1960 enfin il 1976 ed è stà dal 1971 enfin il 1980 president central da la SRG SSR.