Da la radunanza da nominaziun dals 30 da quest mais a Cuira vul la PBD nominar ses candidats. Da las partidas regiunalas e districtualas èn dus candidats vegnids proponids fin ussa: Il cusseglier guvernativ en uffizi, Jon Domenic Parolini ed il deputà e president da partida Andreas Felix ch'è era mainafatschenta da l'uniun dals impressaris grischuns.
Anc betg il candidat uffizial
Il post da cusseglier guvernativ tenta Andreas Felix. Quai post saja ina sfida, e mantegnair il segund sez per la PBD saja ina motivaziun supplementara. Sche sia partida, che perda adina puspè vuschs, haja era merità quest sez, na less Felix betg valitar. La fin finala decidian ils votants e las votantas.
Fin a la radunanza da nominaziun possian ins anc far ulteriuras propostas, hai num davart da PBD. La radunanza da nominaziun da la PBD ha lieu ils 30 da mars 2017 a Cuira.
RR novitads 11:00