Siglir tar il cuntegn

Chantun Andrea Pitsch SA – mesadad dals lavurers ha in job

I sa mussia, ch'ils lavurers da la Firma Pitsch hajan in bun num – quai ha respundì Andreas Bantel, il pledader da l'administratur da concurs responsabel, sin dumonda dal schurnal regiunal da SRF.

Lavurer da fabrica.
Legenda: 100 da 200 lavurers da l'interpresa Pitsch han gia ina plazza nova (maletg simbolic). Keystone

Er per quels 100 lavurers, che n'han anc betg ina plazza nova, para la situaziun da sa sviluppar bain: Tenor il pledader sajan quels lavurers en discurs per autras plazzas.

Tar ina part dals 35 plazzals da la Andrea Pitsch SA vegnia gia lavurà enavant, ha declerà Andreas Bantel. Ubain ch'ils plazzals sajan vegnids surpigliads dad autras interpresas da construcziun ubain ch'ils patruns indemniseschian sez ils lavurers.

La fin d'avrigl aveva l'interpresa Andrea Pitsch SA stuì deponer suenter 60 onns la bilantscha. Ils responsabels han argumentà quest pass cun pli pauca lavur, pretschs pli bass e sbagls strategics. Cun las inquisiziuns da la cumissiun, il link avra en ina nova fanestra da la Cumissiun da concurrenza, WEKO, n'haja quai dentant da far nagut.

RR novitads 06:00