Siglir tar il cuntegn

Header

cuntegn

Chantun Andeer e Valchava dattan dimora a 130 requirents d’asil

Ad Andeer avra il chantun grischun in albiert temporar per 80 requirents d’asil. En Val Müstair duai dar in albiert temporar per 50 persunas.

chasa Muntanella a Valchava
Legenda: La chasa Muntanella a Valchava Qua vegnan plazzads ils requirents d'asil en Val Müstair. RTR/D. Spinnler

Tenor il president da la vischnanca d’Andeer vegnan 80 requirents d’asil ad avair plaz en quels stabiliments. L’administraziun da quest center fa il center da transit a Cazas. Ils implants da la protecziun civila da la vischnanca dad Andeer duain servir per maximalmain in mez onn sco albiert, quai a partir dal december.

Questa saira vegn la populaziun d’Andeer infurmada dal chantun e da la vischnanca.

50 requirents d’asil en la Val Müstair

Er en la Val Müstair en la chasa Muntanella a Valchava vegnan radund 50 requirents d’asil a chattar ina dimora temporara a partir da glindesdi, ils 30 da november. L’iniziativa è vegnida tras il possessur da la chasa Werner Braun. La populaziun da la Val Müstair è vegnida infurmada ier saira a la radunanza communala. Ina infurmaziun pli vasta per la populaziun datti ils 3 da december.

Arno Lamprecht e surprendì

Per il president da la vischnanca Val Müstair, Arno Lamprecht, èsi stà ina surpraisa ch'il chantun vul endrizzar in alloschi da fugitivs en la chasa Muntanella a Valchava. La decisiun saja vegnida communitgada pir ils davos dis. Per far frunt a temas e dubis vul la vischnanca organisar ina saira d'orientaziun per la populaziun, uschia Lamprecht.

RR novitads 12.00

Artitgels legids il pli savens