Siglir tar il cuntegn
Inhalt

Chantun Ambassadur da las Filippinas sin visita tar la regenza grischuna

Sin invit da la regenza ha l'ambassadur da las Filippinas en Svizra, Leslie J. Baja, visità il chantun Grischun.

Ambassadur Leslie J. Baja (segund da sanestra) vegn beneventà – accumpagnà da la consula Maria Theresa Lazaro e da l'attasché Harley Tesorero – dal president da la regenza Martin Jäger (amez) sco er dal chancelier Claudio Riesen (a dretga).
Legenda: Ambassadur Leslie J. Baja (segund da sanestra) vegn beneventà – accumpagnà da la consula Maria Theresa Lazaro e da l'attasché Harley Tesorero – dal president da la regenza Martin Jäger (amez) sco er dal chancelier Claudio Riesen (a dretga). mad

L'ambassadur da las Filippinas Leslie J. Baja è vegnì beneventà en la Chasa grischa a Cuira dal president da la regenza Martin Jäger e dal chancelier Claudio Riesen. L'ambassadur è vegnì accumpagnà da la consula Maria Theresa Lazaro e da l'attasché Harley Tesorero. Suenter il barat dals salids uffizials è in gentar cuminaivel stà sin il program.

La regenza grischuna tgira annualmain contacts cun represchentantas e represchentants da stadis esters en Svizra. Quests discurs èn elements impurtants da las relaziuns dal chantun cun l'exteriur. Cun ils stadis vischins e cun pajais che han relaziuns spezialas cun la Svizra e cun il Grischun vegnan savens discutadas dumondas specificas actualas. Autras visitas servan en emprima lingia a barattar experientschas sin il champ cultural, economic e politic.