Siglir tar il cuntegn

Chantun Admissiun a las scolas medias: Be pli tschertas notas quintan

Quai ha decis la regenza grischuna per garantir che tut ils scolars da las classas primaras vegnan valitads en ils medems roms.

Attestat.
Legenda: En l'avegnir duain mo pli tschertas notas dumbrar per far il gimnasi (archiv). Keystone

Per midar da la sisavla classa primara en il gimnasi duain en il futur be pli las notas da matematica, da l'emprima e la segunda lingua vegnir duvradas per calcular la nota d'admissiun.

La regenza grischuna ha approvà la revisiun parziala da l'ordinaziun davart la procedura d'admissiun a gimnasis. Fin ussa han ils gimnasis resguardà la media da notas da tut ils roms.

L'ordinaziun vertenta na garanteschia entant betg che tut ils scolars vegnian era valitads en tut ils roms. L'ordinaziun revidida va en vigur ils 15 d'avust 2016.

RR novitads 10:00