Siglir tar il cuntegn
Inhalt

Chantun Adia monolinguitad – l'inscripziun tudestga svanescha

La regenza incumbensescha l'uffizi da construcziun auta da laschar allontanar l'emblem vi da la fatschada da l'engrondiment dal Museum d'art dal Grischun.

Museum d'art.
Legenda: La fatschada dal Museum d'art è stada fin ussa inscritta mo per tudestg. RTR

Ultra da quai incumbensescha la regenza l'uffizi da cultura da laschar elavurar la cumparsa communicativa dal Museum d'art dal Grischun en tut ils meds da communicaziun. Quai areguard il logo/l'emblem. Impurtant saja da tegnair quint consequentamain da las trais linguas uffizialas. Enfin ch'i dettia ina schliaziun andanta, restia la fatschada dal Museum d'art a Cuira vida.

La soluziun la pli evidenta per l'apparientscha da la fatschada da l'engrondiment dal museum premettia en il futur da desister da l'emblem, uschia la regenza vinavant.

Dispita dapi la stad passada

L’inscripziun ha dà da discutar gia avant l’avertura dal Museum d’art dal Grischun. L’inscripziun n'haja betg gì emprima prioritad, aveva lura declerà l'architect dal chantun Markus Dünner. Impurtant saja stà ch’ins haja pudì avrir las portas dal Museum d'art la fin da fanadur

RR novitads 10:00

Inscripziun dispitaivla

Sco la regenza scriva, saja l'emblem vegnì elavurà sco logo per tudestg e na possia betg vegnir adattà graficamain en moda adequata en las linguas rumantsch e talian. El dettia l'impressiun d'ina inscripziun, bain chapì mo per tudestg.