Siglir tar il cuntegn
Inhalt

Chantun ADERENTS: Per ina giada tiran els vid la medema suga

Era sche lur opiniuns politicas èn normalmain differentas, fan las differentas partidas politicas ensemen reclama per in «gea» a la strategia d’energia 2050. Uschia han tranter auter Silva Semadeni da la PS e Martin Schmid da la PLD preschentà lur arguments per la votaziun dals 21 da matg.

Legende: Video Il comité grischun per la strategia d'energia 2050 abspielen. Laufzeit 02:54 Minuten.
Or da Telesguard dals 26.04.2017.

Cun la strategia d’energia 2050 vul la confederaziun scumandar novas ovras atomaras, promover las energias regenerablas, sustegnair las ovras idraulicas e reducir il diever d’energia en l’entira Svizra.

Il parlament aveva surlavurà persuenter la lescha d’energia. La Partida populara ha dentant lantschà il referendum, uschia ch’il pievel ha da decider davart la lescha.

Da la medema opiniun, dentant...

Tant Martin Schmid da la Partida liberaldemocratica sco era Silva Semadeni da la Partida socialdemocratica èn per la strategia d’energia 2050. Era ils arguments èn sumegliants, ma las prioritads èn differentas.

Purtrets da Martin Schmid e Silva Semadeni
Legenda: Martin Schmid e Silva Semadeni cumbattan ensemen per in «gea» a la strategia d’energia 2050. RTR

Uschia è per Silva Semadeni il pli impurtant, che las novas energias regenerablas vegnan sustegnidas e promovidas fermamain. Martin Schmid perencunter spera sin in grond sustegn per las ovras idraulicas.

RR actualitad 17:00