Siglir tar il cuntegn

Header

cuntegn

Chantun Adattaziun tar regiuns da premias en il Grischun

Las regiuns da premias per evaluar las premias da cassas da malsauns vul la Confederaziun adattar. Quai porta midadas en il chantun Grischun, ma er el chantun Schaffusa, Lucerna, Berna e Son Gagl.

Il Departament federal dal intern ha uss avert la consultaziun correspundenta. La finamira è dad unifitgar las regiuns da premia, scriva il Departament federal dal intern en ina communicaziun. Fin uss èn las regiuns da premias fixadas tenor vischnanca. Ma ina vischnanca cun ina chasa da tgira ha pli auts custs che la vischnanca vischina che n’ha betg ina tala purschida, argumentescha l’EDI.

Ils blers chantuns han gia oz sulet ina regiun da premias

En ils chantuns cun duas regiuns da premias resta quai tut sco fin qua, argumentescha l’EDI. Sulet il chantun Schaffusa duai enstagl da duas regiuns sulet avair en futur ina regiun da premias. Tar ils chantuns cun trais regiuns da premias sco il chantun Grischun vegnan quellas reducidas sin duas regiuns da premias. Sulet en il chantun Turitg na datti naginas midadas.

La consultaziun va a fin mez schaner 2017, la midada d’ordinaziun per l’entschatta 2018.

RR novitads 17:00

Artitgels legids il pli savens