Siglir tar il cuntegn

Header

video
Adatg selvaschina...
Or da Actualitad dals 20.11.2017.
laschar ir. Durada: 1 minuta 26 Secundas.
cuntegn

Chantun Adatg selvaschina...

Uss èn tschiervs e chavriels puspè da viadi. L'onn passà hai dà en il Grischun 884 accidents cun selvaschina.

Da l'october fin il december mida la selvaschina dal quartier da stad en quel d'enviern. Savens sto ella perquai traversar vias cun dapli u damain traffic. E gist uss cura ch'i vegn er anc pli baud stgir, capitan en consequenza ils blers accidents cun selvaschina.

I dat chantuns cun aut ristg

L'onn 2016 hai dà 884 accidents cun selvaschina en il Grischun, l'onn 2015 eran quai 903 e l'onn 2014 hai dà 776 accidents. Cifras da la segirada Axa Winterthur mussan, ch'èn ils chantuns Grischun, Giura, Friburg e Schaffusa èn ils automobilists il pli periclitads d'avair accidents cun selvaschina.

Tut en tut hai num far adatg

Mesiras per reducir tals accidents datti diversas. Il meglier funcziuneschan però las tavlas electronicas che glischan cura che selvaschina è sper via. Quai ha confermà Markus Walser, il pledader da la Polizia chantunala.

Installar dapertut talas tavlas fiss però memia char ed ellas perdessan er l'effect. Perquai hai num cunzunt en il temp tranter october e december, da tegnair avert ils egls e far attenziun da la selvaschina per lung las vias.

Artitgels legids il pli savens