Siglir tar il cuntegn

Header

cuntegn

Chantun Acziuns da dumping cun effects cuntravers

Suenter trais envierns difficils emprovan intginas pendicularas da carmalar novs giasts cun acziuns d’abunaments favuraivels. Acziuns che pon tenor il cussegliader da pendicularas avair in bun effect, che pon dentant era esser privlusas.

audio
Mezdi: Pendicularas en la crisa e sistems da rabat
ord Actualitad dals 12.07.2017.
laschar ir. Durada: 2 minutas 35 Secundas.

L’acziun la pli populara en Svizra è quella da Saas-Fee, nua ch’ins po cumprar in abunament da l'onn per sulet 222 francs. Era a Spligia (390 francs) ed a Breil (490 francs) han ins lantschà questa primavaira acziuns da prevendita spezialas.

Il pli impurtant per avair success cun talas acziuns è tenor Roland Zegg, cussegliader da turissem e pendicularas, che l’acziun saja bain ponderada e planisada. In bun concept da reclama e communicaziun saja essenzial, uschiglio na portia uschia in’acziun nagut.

Success dapenda er da las cundiziuns da l'aura

Surtut d’avantatg po in’acziun cun pretschs bass d’abunaments esser sch’i dat in mal enviern cun pauca naiv. Lura dettia la prevendita ina tscherta segirtad. Sch’i dat dentant in bun enviern cun blera naiv ed ina lunga stagiun, lura fiss il quint tgunsch megliers senza l’acziun da prevendita cun pretschs bass.

RR actualitad 12:00

Artitgels legids il pli savens