Siglir tar il cuntegn

Header

cuntegn

Chantun Accident sin A13 e sin il pass dal Spleia

Sin l'autostrada A13 hai dà ier saira in accident en la vischinanza da Domat. In auto è collidà cun la saiv directiva ed è vegnì donnegià dal tut.

Ina cunpassagiera è vegnida blessada mez grev. Sco l'automobilist da 30 onns ha ditg sez haja el manipulà ses telefonin e saja uschia vegnì distratg.

Accident da traffic curt suenter Spleia.
Legenda: Duas persunas èn vegnidas blessadas mez grev. pocha

In ulteriur accident hai dà ier sin il pass dal Spleia. Curt sur Spleia èn dus autos da persunas collidads lateralmain. L'auto che charrava engiu ha fatg pliras chambroclas d'in prà giuadora. Ina cunpassagiera da 54 onns è vegnida sdarmanada or dal vehichel. La manischunza da 64 onns è vegnida serrada en en l'auto. Ils pumpiers d'Andeer han stuì rumper si l'auto per deliberar ella. Domaduas dunnas èn vegnidas blessadas mez grev.

RR novitads 12.00

Artitgels legids il pli savens