Siglir tar il cuntegn

Header

cuntegn

Chantun Accident Cresta Run: Inculpà è culpabel

En il cas dal grev accident sin il vial da skeleton «Cresta Run» en l'Engiadina datti ussa ina sentenzia definitiva. Il inculpà è culpabel.

10 onns suenter il grev accident d'in schuldà britannic sin il da skeleton «Cresta Run» en l'Engiadina datti ina sentenzia definitiva: Il secretari dal club dad alura è culpant. El avess stuì garantir ch'il vial saja segirà uschè bain, ch'in sbagl da manischar na possia betg avair consequenzas pli grondas. Perquai sto el indemnisar il schuldà cun 33'000 francs.

Cun questa sentenzia conferma il Tribunal federal la decisiun da la dretgira grischuna, ch'aveva sentenzià il secretari pervia da greva blessura corporala a basa da negligientscha.

Pers il pe dretg

Pervia d'in sbagl da manischar era il schuldà collidà cun il lenn a quatter chantuns ed aveva per consequenza pers ses pe dretg.

Trais emprovas

Cun questa sentenzia metta il Tribunal damai ina fin al cas, ch'è vegnì tractà trais giadas a Losanna. Il 2011 aveva il Tribunal federal dà enavos il cas perquai che la dretgira chantunala aveva zuppentà cumprovas ed il 2016 perquai che la dretgira grischuna aveva desistì d'ina debatta giudiziala.

RR novitads 12:00

Artitgels legids il pli savens