Siglir tar il cuntegn

Header

cuntegn

Chantun Access a documents uffizials duai vegnir pli simpel

En l'avegnir duain Grischunas e Grischuns survegnir access a documents uffizials senza stuair cumprovar in interess spezial. I tanscha ina dumonda concreta che vegn giuditgada il pli tard suenter 20 dis.

La procedura d'access duai per regla esser gratuita. Mo sch'il tractament d'ina dumonda d'access chaschuna custs e lavur considerabla, dastgan vegnir incassadas taxas che cuvran ils custs. L'incassament da custs sto restar in'excepziun.

Quai propona la regenza grischuna en sia missiva tar la lescha da transparenza. Il princip da transparenza che procura per dapli invista en l'activitad statala duai valair mo sin plaun chantunal e betg sin plaun communal e regiunal. Cun questa missiva ademplescha la regenza grischuna in'incumbensa parlamentara da la stad 2014.

La missiva duai vegnir tractada dal cussegl grond durant la sessiun da december 2015. Suenter la deliberaziun po la nova lescha da transparenza entrar en vigur il pli baud il 1. d'avust 2016.

RR novitads 8:30

Artitgels legids il pli savens