Siglir tar il cuntegn

Header

cuntegn

Chantun Abitar assistì sco alternativa a la chasa da tgira

En il Grischun duain persunas attempadas che vivan en relaziuns finanzialas difficilas profitar da l’abitar assistì sco alternativa tar la chasa da tgira. La regenza grischuna ha approvà per mauns dal parlament ina revisiun parziala da la lescha da tgira.

Basegn d’agir dettia quai surtut tar furmas d’abitar alternativas. Persunas attempadas, che na pon betg pli viver a chasa malgrà ch’ellas basegnan pauca tgira, n’hajan oz strusch in’alternativa tar la chasa da tgira, uschia la regenza.

Spargnar custs en il sectur da sanadad

Per er pussibilitar questa pussaivladad a persunas en grevas relaziuns finanzialas cuntegn la revisiun prestaziuns supplementaras. La regenza prescriva l’autezza maximala da quellas. Cunquai che l’abitar assistì chaschuna la finala damain custs cumpareglià cun las chasas da tgira, gida la revisiun da spargnar custs en il sectur da sanadad. Il Cussegl grond tracta la fatschenta en sia sessiun da december.

RR novitads 10:00

Artitgels legids il pli savens