Siglir tar il cuntegn

Header

Navigaziun

Legenda: Guardar il video Reducziun da tempo A13: Bilantscha dal project da pilot. Durada 02:18 minutas.
Or da Telesguard dals 28.03.2017.
cuntegn

Chantun A13: reducziun da tempo è sa cumprovada

La Polizia chantunala fa in facit positiv da las mesiras per reducir traffic sin l’A13. Uss less ella introducir tempo 100 e 80 sin il vial dil sid da Tusaun a Cuera. Per il vial en tschella direcziun propona la polizia chantunala in ulteriur project per reducir il traffic.

La finamira da la Polizia chantunala era d'avair pli paucas colonnas e d’augmentar la segizerra sin l’A13 tranter Tusaun e Cuera cun reducir il tempo. La scheffa da traffic da la Polizia chantunala Barbara Hubschmid fa in facit positiv dal project da pilot da la stad passada. Lura veva la polizia reducì il tempo sin differents tschancuns da l’A13 da 120 sin 100 u schizunt 80 kilometers l’ura.

Resultats sin il vial dal sid èn positivs

Cunzunt sin il vial dal sid – da Cuera en direcziun Tusaun – ha la reducziun da tempo gì in effect positiv. Là è il traffic circulà fitg bain cun la limita da 80 kilometers l’ura. Sco Barbara Hubschmid di, haja da pli paucas colonnas ed uschia possian dapli vehichels passar l’A13. Tar il vial dal nord – da Tusaun a Cuira – na saja il traffic dentant betg circulà uschè bain. Sco la Polizia chantunala communitgescha, saja quai pervia da la schletta signalisaziun.

Duas propostas èn sin maisa tar l’ASTRA

Sin basa da las datas dal project da pilot ha la Polizia chantunala uss inoltrà duas propostas co megliurar il traffic sin l’A13. Quellas èn uss sin maisa tar l’Uffizi federal da vias (ASTRA) che finanziescha il project. La Polizia chantunala propona d’implementar il tempo 100 respectivamain 80 kilometers l’ura sin ils tschancuns dal vial sid. Quellas limitas duain valair durant las fins d’emna ed il temp da vacanzas. Per il vial dal nord propona la polizia da far in ulteriur project nua che las mesiras vegnan optimadas.

RR actualitad 17:00