Cunzunt tar Reichenau/La Punt encunter il sid ed avant il tunnel dal San Bernardino encunter il nord hai dà colonnas sur Anzainzas. Vinavant ha in brischament d’in auto sin via da Mesocco en direcziun San Bernardino procurà per retards da radund 30 minutas, uschia Roman Rüegg da la polizia chantunala.
Il traffic sur Anzainzas è stà quest onn pli u main tuttina sco l’onn passà.
Mirà enavos sur pli lung temp saja il traffic dentant creschì, di Roman Rüegg vinavant. Quai haja cunzunt da far cunquai ch’i dat adina dapli autos sin las vias Svizras u automobilists dals pajais vischinants che vulan traversar la Svizra.
80 enstagl 100 kilometers l'ura
Per evitar lungs temps da spetga sin la A13 duai il proxim temp vegnì inoltrà ina limita dad 80 kilometers l’ura sin l’autostrada en la Tumleastga durant fins d’emna prolungadas sco Anzainzas u Tschuncaisma, di Roman Rüegg. Cura che quai duess esser uschè lunsch n’è dentant anc betg cler.