Siglir tar il cuntegn
Inhalt

Chantun A la tschertga da frestgezza

La stad è sa mussada enfin ussa da sia pli bella vart, cun fina bell'aura e temperaturas da record. Quai han era las pendicularas grischunas sco Lai, Laax e San Murezzan sentì. Blers giasts hajan nizzegià la purschida da las pendicularas e sajan sa frestgentads en las muntognas.

Blers giasts èn sa frestgentads en las muntognas.
Legenda: Blers giasts èn sa frestgentads la stad en las muntognas. Keystone

L'aura saja il pli impurtant factur per carmalar giasts en ils auts, di Richard Adam, responsabel per marketing e vendita tar las pendicularas da San Murezzan.

A la tschertga da l'aua

Era destinaziuns pli pitschnas sco las pendicularas da Val èn cuntentas. I dat dentant era excepziuns. Uschia è Roman Bernard, manader da gestiun da la pendiculara Razén da l'avis, ch'ì saja bunamain memia chaud per ir a culm. Ils giasts giajan plitost a tschertgar l'aua.

Buna reclama per las pendicularas

Finanzialmain n'èsi betg attractiv per las pendicularas da tegnair avert lur manaschi. Dentant èn tuts d'accord che quai saja ina purschida supplementara per il giast, buna reclama per las pendicularas ed ina plivalur per las destinaziuns turisticas.

Ussa speran tut las pendicularas ch'i restia vinavant bell'aura e ch'i dettia suenter ina bella stad in atun d'aur, per ch'era ils viandants vegnian sin lur custs.