Per reparar vias d'avertura impunda il chantun quest onn var 9,8 milliuns francs. Passa 95% da quels vegnan duvrads per ils guauds da protecziun, ils quals pon mo vegnir tgirads cun in'avertura adequata.
La regenza ha approvà in project collectiv che l'uffizi da guaud e privels da la natira ha elavurà per incumbensa da differentas vischnancas. En tut il Grischun vegnan reparadas vias da guaud e vias da maschinas sin 54 kilometers. Uschia vegn meglierada l'avertura da passa 11milli hectaras guaud.