Siglir tar il cuntegn
Inhalt

Chantun 7'000 han chargià giu l'app dal Parc Ela

Dapi che l'app da viandar dal Parc Ela è vegnida introducida l'onn 2014, hai dà radund 7'000 downloads.

Viandants en il Parc Ela en la regiun dal Kesch.
Legenda: Viandants en il Parc Ela en la regiun dal Kesch. Parc Ela; Lorenz A. Fischer

Sin l'app datti bleras rutas da viandar, ch’ins po far cun agid dal gps. Sco quai che Dieter Müller, il manader da fatschenta dal Parc Ela ha ditg, haja quai dà blers resuns positivs enfin oz. L’avantatg saja, ch’ins possia integrar en l'app bleras infurmaziuns davart attracziuns per lung da las sendas da viandar e l'app vegnia adina puspè actualisada.

L’onn passà saja p.ex. vegnì integrà in viadi circular a Filisur «Filitour». Ina istoricra haja fatg bleras retschertgas ed intervistas per l'app. Tranter auter pon ins tadlar registraziuns d’avant passa 60 onns, nua ch’igl è anc da sentir il rumantsch local da Filisur, ch’è oz mort ora.