Siglir tar il cuntegn

Header

cuntegn

Chantun 4 miu. per la plazza aviatica Samedan, 2 à fonds perdu

La regenza grischuna ha decidì ils projects communals ch'ella vul sustegnair. Quai è surtut la plazza aviatica regiunala a Samedan, ed auters projects communals.

La regenza conceda a l’interpresa d’infrastructura Plazza aviatica regiunala a Samedan in emprest da 2 milliuns francs en il rom da la nova politica regiunala.

2+2 milliuns francs per la plazza aviatica - cun cundiziun

Ulteriurs 2 milliuns francs à fonds perdu deliberescha la regenza a favur da l’interpresa. Quai però cun la cundiziun che las vischnancas da l’Engiadin’Ota contribueschan ensemen almain la medema summa per las investiziuns previsas.

La plazza aviatica a Samedan duess vegnir renovada e sanada ils proxims onns – en ina emprima fasa – per 26 milliuns francs.

Ulteriurs projects communals ch'il chantun sustegna:

  • A la vischnanca da Breil garantescha la regenza grischuna ina contribuziun da stgars 450'000 francs per construir ina nova basa tecnica communala per ils secturs manaschi forestal, servetsch tecnic, pumpiers, plazza da recicladi e provediment d'aua.
  • A la vischnanca da Glion garantescha la regenza grischuna ina contribuziun da bun 370'000 francs per engrondir la basa tecnica forestala a Rueun.

RR novitads 11:00

Artitgels legids il pli savens