Siglir tar il cuntegn

Chantun 4 cumpetenzas fundamentalas per l’instrucziun da religiun

Sin quest atun va en vigur en la scola populara grischuna il model 1+1 – ina lecziun religiun ed ina lecziun etica, e quai en tuttas classas. Uss èn er clers ils accents principals dal rom «religiun».

Christian Cebulj, professur per pedagogia da religiun a la Scola auta da teologia a Cuira
Legenda: Christian Cebulj, professur per pedagogia da religiun a la Scola auta da teologia a Cuira. mad

L'instrucziun da religiun duai sustegnair scolaras e scolaras da sviluppar lur atgna identitad, els duain gudagnar dapli expressiun religiusa, els duain chapir texts biblics e cun agid da temas elegi duain els è chattar la pratica cristifidaivla. Vitiers cuntegn il plan d'instrucziun ecumenic era ideas per occurrenzas ed activitads el rom d'ina furmaziun religiusa ellas plaivs e pravendas. En vista a la reducziun da duas sin ina lecziun emnila instrucziun da religiun èn las tematicas era vegnidas reducidas da 15 sin 8. Il nov plan d'instrucziun è suttascrits d’omaduas baselgias chantunalas e da l’ordinariat.

RR novitads 18:00