Siglir tar il cuntegn
Inhalt

Chantun 4,4% damain pernottaziuns il fanadur

Malgrà bell'aura e temperaturas chaudas ha il Grischun nudà il mais fanadur 25'000 pernottaziuns pli pauc ch'il fanadur 2014. En total ha il Grischun registrà 546'000 pernottaziuns.

Ina chombra en in hotel.
Legenda: Il Partenz ha pers il pli bler cun in minus da 16,2%, Val ha nudà il pli aut plus cun 136,5%. Keystone

Per Ernst Wyrsch, il president da la secziun grischuna da Hotelleriesuisse dat quai da patratgar. La dischillusiun saja gronda. Il Grischun haja gì in pli grond regress che tut las autras destinaziuns e quai na saja betg vegnì spetgà uschia.

L'entira Svizra ha nudà il fanadur 4,1 milliuns pernottaziuns, quai è in plus da bunamain 4%. 9 da las 14 regiuns turisticas en Svizra han pudì beneventar dapli giasts.

Danovamain sa reducidas èn las pernottaziuns dals giasts dals pajais vischins. Spezialmain creschidas èn las pernottaziuns dals giasts da l'Asia cun in augment da 41%.

RR novitads 10:00