39,2 milliuns per il traffic regiunal

Las interpresas grischunas dal traffic public regiunal survegnan quest onn 39,2 milliuns francs dal chantun. Quai ha la regenza grischuna fixà. Quest import è pli pitschen ch'ils onns avant. Il motiv è che la regenza na dat pli naginas contribuziuns d'investiziun a l'infrastructura da viafier.

in auto da posta ed in tren da la viafier retica a la staziun da Razén.

Legenda da maletgs: Las interpresas grischunas dal traffic public survegnan quest onn in zic damain daners dal chantun. Keystone

Dapi il schaner da quest onn vegnan las infrastructuras da viafier finanziadas cumplettamain or dal fond per l'infrastructura da viafier da la confederaziun (FIV). Er ils chantuns pajan ina contribuziun pauschala en quest fond. Per l'onn current importa questa contribuziun dal chantun Grischun en il FIV 27,8 milliuns francs.
Er la confederaziun ha fixà sias contribuziuns per las interpresas da transport dal traffic public dal Grischun. Las contribuziuns federalas importan tut en tut 137,8 milliuns francs. Da quels èn 131,8 milliuns francs previs per il traffic da persunas e 6 milliuns francs per il traffic da rauba.

RR novitads 11:00