Siglir tar il cuntegn

Header

Surdada dal premi Milestone 2015
Legenda: La surdada dal premi 2015 è stà in eveniment da gronda pumpa. MAD
cuntegn

Chantun 3 projects grischuns han schanzas per il premi Milestone

Per il premi Milestone ch’undrescha projects da la branscha da turissem svizra, vegnan da 97 projects proponids 14 en la stretga tscherna, da quai trais dal Grischun. Uschia ha decidì ina giuria.

Schanzas per il Milestone en la categoria «innovaziun» ha d’ina vart Arosa turissem cun «La destinaziun d’events en ils culms grischuns», e lura ina collavuraziun da dus hotels, dal Waldhotel a Tavau e dal hotel Viznauerhof a Vitznau en il chantun Sviz. Ed en la categoria «persistenza» è nominà il project «100% Valposchiavo - persistentamain impressiunant».

Ils premis milestone en las categorias innovaziun, generaziun giuvna e persistenza vegnan surdads ils 15 da november a Berna. Vitiers surdat la giuria il premi «ovra da vita» ad ina persunalitad extraordinaria dal turissem svizzer.

RR novitads 16:00