Siglir tar il cuntegn
Inhalt

Chantun 3,2% damain giasts per ils territoris da skis grischuns

Ils territoris da skis grischuns han stuì nudar 3,2% damain giasts durant la stagiun d’enviern 2015/16. Cumapreglià cun la media dals ultims 5 onns è quai in minus da 8,5%, cun la media dals ultims 8 onns schizunt in minus da 13%, quai resulta dal monitoring da las pendicularas grischunas.

Pendiculara d'Arosa cun skiunzs.
Legenda: Il pli grond minus nodan las pendicularas d'Arosa Grischun central cun 4,3%. Keystone

Il pli grond minus nodan ils territoris da skis dal Grischun central / Arosa (- 4,3%), quai suondà da l'Engiadin'Ota (-3,9%).

Ils mars han ils territoris da skis però pudì nudar marcantamain dapli giasts, quai cun in plus da 26,4% cumpareglià cun il mars d’avant in onn. La raschun per quest augment numnan las pendicularas surtut la bun'aura cun periodas da sulegl pli lungas. Questa cifra è però da relativar cunquai ch’ils firads da Pasca èn gia cumpigliads en il monitoring dal mars.

Pendiculars ston tschertgar soluziuns

L'enviern vegnia a laschar ses fastizs, scrivan las pendicularas grischunas. Las interpresas sajan dumandadas. D'ina vart giaja quai d'optimar e da tschertgar vias co ch'i po vegnir producì pli favuraivel en l'avegnir. Da l'autra vart giaja da guardar che las investiziuns necessarias na vegnian betg tralaschadas, quai per restar abel da concurrer.

La stagiun d'enviern 2015/16 en cifras

Legenda:
La stagiun 2016/2017 da las pendicularas en cifras Pendicularas Grischun

Tut las regiuns svizras nodas in minus

En l'entira Svizra è il dumber da giasts sa reducì per 2% cumpareglià cun la stagiun d'enviern 2014/15, cumpareglià cun la media dals ultims 4 onns munta la reducziun però a minu 8%.

Sco quai che las pendicularas svizras communtgeschan, saja l'envier actual perquai da cassifitgar sco fitg grev. Tut las regiuns nodan ina reducziun dals giasts. Il pli grond perdider è il chantun Tessin cun minus 46,9%, quai suondà a la Svizra centrala cun minus 4,1%.

RR novitads 10:00