Da las 28 dumondas per sustegn inoltradas ha il departament d'educaziun, cultura e protecziun da l'ambient decidì per diesch artistas ed artists ina contribuziun da mintgamai 20’000 francs. Il departament sustegna quatter ovras da la sparta musica, duas da l’art figurativ e mintgamai ina da las spartas art applitgà, film, litteratura e teater. La decisiun fa il departament sin proposta da la cumissiun da concurrenza e da l'uffizi da cultura.
Ils dus davos onns avevan artists u artistas anc inoltrà marcantamain dapli dumondas numnadamain 45 respectivamain 46 dumondas. La concurrenza per promover la lavur culturala professiunala per projects gronds è vegnida scritta ora quest onn per la 20avla giada, ha scrit la Chanzlia chantunala.
Ils diesch projects gronds che survegnan sustegn chantunal
num da l'artistA | sparta | titel |
---|---|---|
Rolf Caflisch | musica | «Klopfer. Solo-Music for Drum Set» |
Ervin Janz | musica | project «Skteches» |
Reto Senn | musica | project «Slambad» |
Luigi Zarra | musica | project «Lou & Friends» |
Christian Ratti | art figurativ | project «Passarella» |
Carla Trachsler | art figurativ | project «Mim löffali ga störa» |
Carlo Clopath | art applitgà | project «Recherche innovativer Prozesse und Applikationen für Produkte, Objekte aus Holz» |
Susanna Fanzun | film | project «Nos Chastè» |
Tim Krohn | litteratura | project «Niculins Reise in den Piz Spiert» |
Ursina Trautmann | teater | project «Stündchen» |
RR novitads 11:00