Siglir tar il cuntegn

Header

Navigaziun

Il nov bajetg previs da la scola chantunala. In bajetg grisch da betun cun collecturs solars sin tetg.
Legenda: Sco unica partida grischuna e la giuna PPS cunter in nov bajetg. mad
cuntegn

Chantun 27 milliuns francs è memia bler per la PPS giuvna

La Partida populara giuvna dal Grischun è fin ussa l’unica partida en il chantun che refusa il project per il nov bajetg da la scola chantunala a Cuira – in bajetg cun ina mensa, ina mediateca, ulteriuras stanzas da scola e locals per la protecziun dals bains culturals.

Che la Partida populara giuvna haja prendì la parola cunter quest project da votaziun dals 8 da mars, ha ina simpla raschun, di Nicola Stocker, il president da la Partida populara giuvna dal Grischun: ”Il project è cun ses 27 milliuns memia chars. Bain pudain nus Grischuns ussa pajar quels daners, dentant stuain nus guardar d’avair er dal maun daners per investiziuns futuras pli impurtantas.”

20 milliuns tanschessan

Con ch’il project avess la fin finala da custar, per che la PPS giuvna avess decidì da dir gea na po Nicola Stocker era betg dir. “I ha per exempel dà in votum en il Cussegl grond durant la debatta da l’october passà ch’ha manegià ch’i tanschess era cun 20 milliuns.” Ch’i dovra ina mensa, ina mediateca ed era quellas stanza per la protecziuns dals bains culturals, da quest avis è era el e sia partida, dentant duess quai esser pli bunmartgà.

Nagina raschun d’ir davent

Ch’i dovria il bajetg per che la glieud giuvna na sa decidia betg per in’autra scola media, sco quai ch’il deputà en il Cussegl grond e commember dal comité pro, Heinrich Berther ha pretendì, na lascha Nicola Stocker betg valair. El è da l’avis ch’i dettia autras raschuns per decider per u cunter la scola chantunala a Cuira.